Ikona e Real Madridit, Marcelo, e ka cilësuar Lionel Messin si kundërshtarin më të vështirë me të cilin është përballur gjatë karrierës së tij 18-vjeçare.
Mbrojtësi brazilian kaloi 15 vjet në Santiago Bernabeu, ku u bë lojtari më i dekoruar i klubit të të gjitha kohërave, duke fituar 25 trofe me Los Blancos para largimit të tij në vitin 2022.
Por, asnjë lojtar kundër të cilit u rreshtua mbrojtësi i majtë nuk ishte aq i vështirë për t’u identifikuar sa legjenda e Barcelonës, me Marcelon të prirur të theksojë se lojtari është ende një nga më të talentuarit në lojë sot.
Duke folur për Athletic, Marcelo përshkroi kohën e tij duke luajtur kundër Messit gjatë dhjetëra El Clasicos.
“Messi është i jashtëzakonshëm, kundërshtari më i vështirë me të cilin jam përballur ndonjëherë”, vuri në dukje ai për shtatë herë fituesin e Topit të Artë.
“Ne të gjithë e dimë cilësinë që ai ka edhe tani, në moshën 35-vjeçare, dhe më parë ishte e njëjta gjë”.
“El Clasico ka qenë gjithmonë një nga ndeshjet më të mira për të parë dhe luajtur. Unë isha mjaft me fat që u paraqita në një nga periudhat më të mira të Clasicos”, ka vazhduar Marcelo
Por – braziliani, i cili ishte mik i ngushtë me shokun e tij të skuadrës, Cristiano Ronaldo gjatë kohës së tyre në Real, vuri në dukje se nuk ishte vetëm Messi ai që përcaktoi El Clasicot e fundit të viteve 2000 dhe 2010, por lojtarë të tjerë që u shfaqën ishin gjithashtu te pabesueshëm.
Reprezentuesi brazilian iu bashkua Real Madridit në vitin 2005 dhe gjatë kohës së tij në kryeqytetin spanjoll, Los Blancos fitoi 12 Clasicco nga 16 të Barcelonës.
Pas largimit nga klubi gjatë merkatos së verës së kaluar, Marcelo iu bashkua skuadrës greke Olympiacos.
Mirëpo, 34-vjeçari nuk ishte në gjendje të vendosej në klubin e Superligës së Greqisë dhe e ndërpreu kontratën e tij në shkurt 2023, në vend të kësaj zgjodhi të kthehej në klubin e tij të fëmijërisë Fluminense në Brazil. /Telegrafi/