Shefi i transferimeve të Manchester Unitedit, Matt Judge është në bisedime për të nënshkruar me një mesfushor të ri në këtë afat kalimtar të verës.
Djajtë e Kuq janë të interesuar të përforcojnë edhe më shumë skuadrën për sezonin e ri, pasi synojnë të kthehen te trofetë.
Tani, drejtuesit e klubit dhe trajneri kanë etiketuar tre emra të njohur si përforcime në mesfushë.
Sipas mediumit ESPN, Judge ka biseduar me përfaqësuesit e Eduardo Camavinga të Rennes, Ruben Neves të Wolves dhe Saul Niguez i Atletico Madridit.
Sidoqoftë, është vënë re se treshja e mesfushorëve po konsiderohen vetëm si zëvendësues të mundshëm për Paul Pogba.
🗞️Matt Judge has already talked to representatives of potential Paul Pogba replacements, including Eduardo Camavinga, Ruben Neves, and Saúl Ñíguez. #MUFC [@RobDawsonESPN] pic.twitter.com/3jpUkEaq0g
— Football Talk (@FootballTalkHQ) July 31, 2021
Pogba është lidhur me një largim nga Old Trafford, me Paris Saint-Germain që aktualisht duket se po kryeson garën për të siguruar nënshkrimin e tij.
Dhe ndërsa Djajtë e Kuq duan që ai të qëndrojë, ata përballen me shitjen e tij këtë verë ose humbjen e tij për asgjë një vit më vonë. /Telegrafi/