Manchester United do udhëtojë drejt Crystal Palace, ku do të ndeshet të mërkurën, por trajneri Ole Gunnar Solskjaer, tashmë është në hall të madh për formacionin.
Kjo pasi ai nuk do të mund të llogaritë në dhjetë lojtarë që nuk i ka në dispozicion nga lëndimet.
Në ndeshjen ndaj Liverpool, trajneri norvegjez u detyruar të bëjë tri zëvendësime në pjesën e parë për shkak të dëmtimeve.
Solskjaer gabimin më të madh në ndeshje me Liverpoolin e kishte bërë kur e futi në lojë Jesse Lingard, i cili nuk ishte rikuperuar plotësisht nga lëndimi.
Anthony Martial, Ander Herrera, Nemanja Matic dhe Juan Mata janë lënduar po në këtë ndeshje.
Edhe Marcus Rashford vuan nga një goditje në nyje dhe me Crystal Palace do të jetë në bankë.
Ndërkohë të dëmtuar që më parë janë Matteo Darmian, Antonio Valencia, Phil Jones e Mason Greenwood.
Për të plotësuar mungesat e nevojshme do të merren tre lojtarë nga ekipi i të rinjve: Angel Gomes, Tahith Chong dhe James Garner. /Telegrafi/