Lionel Messi është padyshim një nga më të mëdhenjtë që ka parë historia e futbollit, pasi ka bërë gjëra të jashtëzakonshme në fushë.
Por shpesh herë ylli argjentinas ka treguar se është shumë i madh edhe jashtë fushave sidomos me bashkëlojtarët e tij, duke i dhuruar edhe penalltitë.
Një gjë të tillë Messi e bëri me Josef Martinez disa ndeshje më parë, teksa ka treguar madhështinë e tij edhe pasi fituan Kupën e Ligës me Inter Miamin.
Ylli argjentinas nuk e ka marrë vet trofeun për ta ngritur, përkundër se është kapiten i skuadrës amerikane.
Messi e ftoi mbrojtësin DeAndre Yedlin i cili mbajti shiritin e kapitenit te Inter Miami para transferimit të argjentinasit.
Përkundër se Yedlin refuzoi fillimisht ta kapte trofeun, Messi e urdhëroi pasi e vlerësoi se ai është futbollisti i duhur si ish-kapiten për ta ngritur lartë trofeun e fituar.
Ky gjest i Messit është bërë viral në rrjetet sociale, pasi ylli argjentinas ka marrë lëvdatat nga e gjithë bota për gjestin e bërë.
Kësisoj përpos që tregon madhështinë e tij në çdo ndeshje si futbollist, Messi edhe njëherë tregoi madhështinë e tij me bashkëlojtarët. /Telegrafi/
MESSI the GOAT@InterMiamiCF lifts their first trophy with Leo Messi who gave ex-captain DeAndre Yedlin the captain armband and equal role to lift the trophy. Thumbs up #Messi pic.twitter.com/hX6uJmDqSe
— Teams&Players Hub (@TnP_Hub) August 20, 2023
Que buen gesto de Messi con DeAndre Yedlin (capitán antes de la llegada del argentino) en la entrega de trofeos de la Leagues Cup 👏👏
— Colgadosporelfutbol® (@colgadosfutbol) August 20, 2023