Presidenti francez, Emmanuel Macron hapi tapetin e kuq për kryeministrin indian, Narendra Modi në ditën kombëtare të Francës më 14 korrik, duke e mirëpritur me një paradë në Champs-Elysees dhe një darkë shtetërore në Muzeun e Luvrit.
Nuk u kursyen asnjë shpenzim për të festuar 25-vjetorin e partneritetit strategjik midis dy vendeve dhe u premtuan kontrata të reja armësh, me një marrëveshje në parim që India të blinte 26 aeroplanë luftarakë “Marine Rafale” dhe tre nëndetëse të klasit “Scorpene”.
Ndërkohë, India dhe Franca po zhvillojnë një plan të ri paqeje për Ukrainën, shkruan Le Monde, duke cituar burimet e afërta me liderët e dy vendeve.
Macron këmbënguli në bashkëpunimin midis Indisë dhe Francës për të trajtuar “sfidat globale”, të tilla si lufta e Rusisë dhe Ukrainës.
Në krahun e tij, lideri nacionalist indian nuk bëri asnjë koment publik mbi konfliktin që po trondit kontinentin evropian.
Ndryshe, Ukraina ka ofruar një plan të paqes muaj më parë, por është hedhur poshtë prej pushtuesve rusë. /Telegrafi/