Xhudistja nga Kosova, Loriana Kuka, i ka fituar pikët e para Olimpike për Lojërat Olimpike ‘Tokyo 2020’.
Ajo fitoi një luftë dhe është mposhtur në të dytën në Grand Prixin e xhudos që po mbahet në Budapest të Hungarisë.
Në kategorinë deri 78 kilogramë, Loriana mposhti Kari Leon, kurse u mund nga Mami Umeki e Japonisë, thuhet në njoftimin e KOK.
Edhe trajneri Driton Kuka ka shkruar për suksesin e Lorianës përmes një postimi në Facebook.
“Loriana shënoi pikët e para drejt Tokios, shënoi një fitore dhe pësoi nga japonezja në luftën e dytë!”, ka shkruar Kuka.
Kujtojmë që të premten, Distria Krasniqi fitoi medaljen e bronztë dhe 350 pikë olimpike.
Ndërkohë, Shpat Zeka dhe Laura Fazliu kanë fituar medaljet e bronzta në ‘Kampionatin Evropian U-20’ që po mbahet në Rumani. /Telegrafi/