Liverpooli po planifikon një lëvizje gjatë verës për yllin e Real Madridit, Toni Kroos dhe janë të përgatitur t’i ofrojnë mesfushorit veteran një kontratë trevjeçare.
Marrëveshja aktuale e 32-vjeçarit në Bernabeu skadon në verën e vitit 2023 dhe presidenti i Madridit, Florentino Perez nuk ka në plan t’i ofrojë atij një zgjatje të kontratës.
Sipas gazetës spanjolle El Nacional, Real Madridi mund të shikojë të shesë ish-reprezentuesin gjerman në fund të sezonit.
Trajneri i Liverpoolit, Jurgen Klopp, thuhet se është një tifoz i madh i mesfushorit, i cili ka shënuar 25 gola dhe ka dhënë 83 asistime në 340 paraqitje për Los Blancos që nga transferimi nga Bayern Munich në vitin 2014.
Thuhet se Reds janë ‘shumë serioz’ për një lëvizje për Kroos dhe do të ishin të gatshëm të paguanin rreth 30 milionë për mesfushorin gjerman.
Liverpooli thuhet se është i përgatitur t’i ofrojë fituesit të Kupës së Botës 2014 një kontratë trevjeçare në Anfield.
Real Madridi në anën tjetër është i gatshëm të lejojë Kroos të largohet pasi ai po ‘bllokon përparimin’ e mesfushorëve më të rinj, duke përfshirë Federico Valverden dhe Eduardo Camavingan. /Telegrafi/