Liverpooli thuhet se ka paraqitur një ofertë të madhe gjatë verës së kaluar në drejtim të Real Madridit.
Liverpool njoftohet se i ofroi Philippe Coutinhon Real Madridit verën e kaluar në një marrëveshje që do ta kishte parë Gareth Bale të lëvizë në anën tjetër.
Një raport në El Mundo Deportivo thuhet se Los Blancos kishte një interes në lojtarin brazilian, i cili përfundimisht iu bashkua rivalëve të tyre, Barcelonës, në afatin e janarit.
Megjithatë, gjatë verës së kaluar ishte trajneri Zinedine Zidane që refuzoi mundësinë për të stërvitur yllin brazilian, Coutinho.
Kjo pasi klubi anglez gjatë verës së 2017 ofroi Coutinhon dhe 70 milionë euro për shërbimet e Bale, por kjo kërkesë u refuzua.
Jurgen Klopp thuhet se është një ‘admirues i madh’ i anësorit nga Uellsit dhe nuk do të kishte asnjë hezitim në vënien e peshës së tij prapa një marrëveshjeje të tillë.
Bale gjithashtu është lidhur me një largim gjatë verës nga Santiago Bernabeu në raportet e fundit në mediumit Diario AS.
Ylli nga Uellsi kërkohet me ngulm nga skuadrat e mëdha angleze, ku më të përfolurat janë Manchester Unitedi dhe Chelsea. /Telegrafi/