Chelsea është inkurajuar në ndjekjen e mbrojtësit të Southampton Virgil Van Dijk, pasi Liverpool mendohet se ka heq dorë nga ai.
Sipas The Sun, Liverpooli është i gatshëm të heqë dorë nga ndjekja e tyre për Van Dijk – duke e lënë Chelsean të lirë në këtë garë.
Mbrojtësi i Southampton – i cili aktualisht është duke u trajnuar vetëm – kërkohet nga të dyja klubet e Ligës Premier këtë verë dhe ka gjasa të kushtojë mbi 50 milionë funte.
Por, Jurgen Klopp tani është i gatshëm të heqë dorë nga ndjekja e tij për mbrojtësin holandez dhe të vendosë besimin e tij në katërshen e tij aktuale të mbrojtjes.
Raportet e mediumit anglez sugjerojnë se Southampton më parë do t’ia shiste Chelseat lojtarin sesa Liverpoolit pasi më parë i akuzoi Redsat për ‘lojë të ndytë’.
Chelsea thuhet se është gati të ofrojë plot 50 milionë funte apo mbi 55 milionë euro për Van Dijk. /Telegrafi/