Liverpooli është përfshirë në garën për shërbimet e mesfushorit të Southamptonit, Romeo Lavia – njofton Daily Mail.
Rivalët nga Liga Premier, Arsenal, Chelsea e Manchester United, tash e një kohë janë të interesuar për 19-vjeçarin dhe tani për nënshkrimin e tij konkurrojnë edhe Redsat.
Futbollisti belg nënshkroi për Southamptonin në verën e kaluar nga Manchester City dhe ka lënë përshtypje me paraqitjet individuale.
Arsenali ishte klubi i parë që shprehu interesim duke u pasuar nga Chelsea dhe Unitedi për talentin që mund të kushtojë rreth 50 milionë funte (58 milionë euro)
Kontrata e Lavias në St Mary’s skadon në vitin 2027, prandaj klubi që e pronëson do të përpiqet të përfitojë sa më shumë për futbollistin që e transferoi për 14 milionë funte (16 milionë euro). /Telegrafi/