Legjenda e futbollit anglez, Gary Lineker, ka emëruar tri futbollistë që sipas tij janë më të mirë se Cristiano Ronaldo.
Pesë herë fitues i Topit të Artë, së fundmi në vitin 2017, udhëhoqi Real Madridin drejt triumfit në Ligën e Kampionëve dhe La Liga.
Megjithatë, sipas Gary Lineker, portugezi Cristiano Ronaldo nuk është më i miri në botë.
Sipas tij aktualisht, janë tri futbollistë më të mirë sesa CR7, kurse ai renditet vetëm i katërti, transmeton kp.
“Ronaldo apo Messi? Më pëlqen Ronaldo, por Messi i përket një planeti tjetër”, është përgjigjur fillimisht Lineker.
“Ronaldo apo Neymar? Është Neymar, po ai që ka luajtur te Barcelona. Neymar është e ardhmja, kurse Ronaldo ka qenë një futbollist i madh”.
Në fund ai ka krahasuar edhe Ronaldon me Harry Kane: “Për të ardhmen është Kane!”. Ronaldo nuk është duke kaluar në një formë të mirë këtë sezon, ashtu si skuadra e tij Real Madridi”.
Gary Lineker më parë ka qenë pjesë e Barcelonës. /Telegrafi/