Lautaro Martinez ka pranuar se Lionel Messi kishte kërkuar që ai t’i bashkëngjitej Barcelonës, mirëpo është shprehur i lumtur që vendosi të qëndronte tek Interi.
Në vitin 2020, Blaugranët ishin të interesuar ta transferonin 24-vjeçarin, mirëpo nuk arritën marrëveshje me klubin italian.
“Është e vërtetë, Messi më kërkoi te Barcelona. Kemi biseduar disa herë kur ishim të angazhuar me Argjentinën”.
“Ai më fliste për situatën në klub, por unë isha gjithmonë i qetë dhe vazhdimisht isha në bisedime me Interin për të gjetur marrëveshje (lidhur me rinovimin), sepse jam i lumtur këtu”.
“Jam i ngazëllyer që kam qëndruar. Familja ime dhe unë jemi shumë të lumtur këtu”, ka dekalruar Lautaro për SportMediaset.
Sulmuesi argjentinas së fundmi e ka rinovuar kontratën me Interin deri në vitin 2026. /Telegrafi/