Pep Guardiola e ka bërë të qartë se ai nuk ka dëshirë të largojë Bernardo Silvan këtë verë – pasi presidenti i Barcelonës, Joan Laporta u shfaq për të konfirmuar se gjigantët spanjollë kanë rindezur interesin e tyre për 27-vjeçarin.
Klubi katalunas kaloi javë duke ndjekur portugezin verën e kaluar dhe bëri gjithçka në fuqinë e saj për të joshur mesfushorin në Nou Camp. Por, Manchester City e mbajti njeriun që disa kishin supozuar se ishte i tepërt ndaj kërkesave dhe lojtari portugez vazhdoi të shijonte sezonin e tij më të mirë ndonjëherë për Cityn.
Silva shënoi 13 gola dhe shtatë asistime në të gjitha garat për të udhëhequr rrugën për Cityn, i cili fitoi titullin e tyre të katërt në Ligën Premier në pesë vjet. Mirëpo, forma mahnitëse e Silvës nuk ka kaluar pa u vënë re, me Barcelonën me sa duket tani e gatshme të provojë ta marrë mesfushorin nga Etihadi.
Të dy – Guardiola dhe Laporta e hodhën poshtë këtë interes gjatë një shkëmbimi të lehtë në një konferencë shtypi duke konfirmuar se City dhe Barca do të takohen në një miqësore për bamirësi në Spanjë këtë verë. Kur Laporta e pyeti nëse Guardiola do ta sillte Silvën në Nou Camp, Guardiola qeshi: “Bernardo dhe 10 të tjerë”.
Dhe shefi i Cityt më pas dyfishoi qëndrimin e tij, duke këmbëngulur se ish-lojtari i Monacos është shumë i rëndësishëm për t’u lejuar të largohet. Ai shtoi: “Sot mendoj se ai do të vazhdojë me ne, por gjithmonë kam thënë se nuk dua lojtarë që nuk duan të jenë me ne. Por, Bernardo është i rëndësishëm dhe unë mendoj se ai do të qëndrojë”.
Ironikisht, besohet se City do të kishte sanksionuar një largim për Silvan verën e kaluar pasi mesfushori kërkoi të transferohej në Spanjë për arsye familjare. Por, ai e ka rikthyer veten si një nga lojtarët kryesorë të Cityt gjatë 12 muajve të fundit – dhe nuk ka gjasa që kampionët tani të kenë ndonjë dëshirë për të shitur. /Telegrafi/