Deputeti i Aleancës për Kosovë të Re (AKR), Labinot Tahiri ka theksuar se nëse Lista Serbe e voton demarkacionin e Kosovës me Malin e Zi, ai nuk do ta votojë atë.
Ai në një prononcim për Telegrafin ka thënë se deputetët e Kuvendit të Kosovës nuk duhet të varen nga votat e Listës Serbe.
Ndryshe, sot po mbahet seanca plenare e Kuvendit të Kosovës për Marrëveshjen e Demarkacionit, në të cilën po mungojnë deputetët e Listës Serbe.
Qëndrimin kundër Marrëveshjes së Demarkacioni, e kanë shprehur deputetët e Lëvizjes Vetëvendosje (VV) dhe atë të Grupit të Deputetëve të Pavarur (GDP).
Në seancë është duke munguar edhe deputeti i Lidhjes Demokratike të Kosovës (LDK), Ramiz Kelmendi, i cili është duke marrë trajtimin mjekësor jashtë Kosovës.
“Do ta mendoj votën time. Lista Serbe pa favore nuk e voton një gjë të tillë, dhe unë si deputet e mendoj versionin tim, nëse kjo punë është një moll sherri. Kam qenë pro dhe jam nëse përshembull vota do të varej vetëm nga shqiptarët. Por, po pres se si po zhvillohen temat derisa të vij koha votimit”, ka shtuar Tahiri. /Telegrafi/