Ollie Watkins është futbollist profesionist anglez, i cili luan si sulmues për klubin Aston Villa në Ligën Premier dhe për Kombëtaren e Anglisë.
Ai sot u bë edhe më i njohur për shënimin e golit të fitores së Anglisë ndaj Holandës, në gjysmëfinalen e Euro 2024, ku në finale do të ndeshjet me Spanjën.
Karriera e Ollie Watkins, si profesionist filloi te Exeter City, ku ai shpejt tregoi talentin e tij si një sulmues i aftë dhe i shpejtë. Ai kaloi disa sezone me këtë klub, duke u bërë një lojtar kyç.
Në vitin 2017, Watkins u transferua te Brentford, ku performancat e tij të shkëlqyera tërhoqën vëmendjen e shumë klubeve të tjera. Gjatë sezonit 2019/2020, ai shënoi 26 gola në Championship, çka e bëri atë një nga golashënuesit më të mirë të ligës.
Ku sezon, në vitin 2020, sulmuesit ia ofroi mundësinë që të bashkohet me Aston Villa për një shumë rekord për klubin atë kohë (34 milionë euro). Ai ka vazhduar të tregojë aftësitë e tij të shënimit të golave dhe ka qenë një lojtar kyç për ekipin e Ligës Premier. Ai me klubin anglez ka 70 gola dhe 26 asistime.
Watkins, aktualisht 28 vjeçar, bëri debutimin e tij për Kombëtaren e Anglisë në mars të vitit 2021 në një ndeshje kundër San Marinos, ku gjithashtu shënoi golin e tij të parë. Ai ka tre gola në 13 ndeshje.
Stili i lojës së Watkins përkufizohet me shpejtësinë dhe aftësinë për të krijuar hapësira, që shpesh mbyllen me gola të shkëlqyera. Ai gjithashtu është i njohur për punën e tij të palodhur në fushë dhe aftësinë për të ndihmuar në mbrojtje, duke qenë një lojtar shumë i disiplinuar dhe i përkushtuar.
Goli i Watkins ndaj Holandës është një moment i rëndësishëm në karrierën e tij dhe dëshmon për aftësitë e tij si një sulmues i klasit të lartë. Ky gol do ta ngritë profilin e tij dhe e ka vendosur atë në qendër të vëmendjes si një lojtar kyç për të ardhmen e kombëtares angleze. /Telegrafi/