Zgjimi i hershëm është karakteristike për bebet e vogla, fëmijët deri në tre vjeç, madje edhe për fëmijët parashkollorë.
“Kur bebja fle gjumë dhe nuk i nevojitet ushqimi në mes të natës, atëherë ndonjë kohë optimale e zgjimit do të duhej të jetë midis orës 6:00 dhe 7:30 të mëngjesit. Nëse jashtë është ende errësirë, atëherë për zgjim është shumë herët”, thotë Kim West, specialiste për gjumin e fëmijëve.
Edhe pse nga 10 deri 15 për qind e fëmijëve në mënyrë natyrale zgjohen herët, te shumica e vogëlushëve ekziston ndonjë shkak për këtë, transmeton Telegrafi.
Fatmirësisht, kur arrini të identifikoni problemin, ekzistojnë mënyrat që ai problem shpejt të zgjidhet. Ja se çfarë duhet të bëni nëse bebja juaj zgjohet në agun e mëngjesit.
Bëhuni detektiv i gjumit
E para që duhet të bëni është që të siguroheni a ekziston ndonjë faktor i jashtëm, i cili do të mundë të ndikonte në atë që bebja juaj të zgjohet herët. Mund të jenë zogjtë të cilët dëgjohen zëshëm nga dritarja apo dritat e rrugës. Kurdisni alarmin që t’ju zgjojë 10 minuta më herët se që do të zgjohet bebja. Nëse shkaktar i zgjimit të saj është zhurma, mund ta zgjidhni me makinën e cila prodhon të ashtuquajturën zhurmë e bardhë e cila do të neutralizojë të tjerat. Nëse drita është problem, thjesht mund ta errësoni edhe më hapësirën në të cilën bebja fle gjumë.
Ndonjë bebe fillon më herët të shkojë të flejë
Kjo ndoshta do të tingëllojë kontradiktore, mirëpo shumica e bebeve zgjohen më herët për shkak që është shumë e lodhur. Më së miri është që koha e shkuarjes në gjumë të lëvizet për 20 minuta më herët. Nëse kjo do të mundë të ndikojë, koha e shkuarjes në gjumë të jetë gjithnjë e më herët, derisa koha e zgjimit të normalizohet.
Mos e humbisni dremitjen gjatë ditës
Shumica e prindërve besojnë që nëse fëmija nuk do të flejë gjatë ditës, do të flejë më gjatë natën. Kjo nuk është kështu, bebet të cilat flenë pak gjatë ditës apo flenë shumë herët gjatë ditës e më vonë jo, kanë problem me gjumin gjatë natës, gjë që çon deri aty që të zgjohet më herët.
Provoni me alarmin e orës
Për fëmijët nga një deri në tre vjeç, provoni që të përdorni orën me alarm. Në këtë mënyrë fëmija mund të krijojnë ndjenjën kur është koha për gjumë dhe kur për zgjim. Ora me alarm në kombinim me lëvdatat në rast që fëmija ka qëndruar në shtrat derisa alarmi ka rënë, mund të jetë kombinim shumë efikas.
Vendosni pritjet
Nëse fëmija juaj është zgjuar herët, mos e merrni menjëherë nga krevati derisa të arrijë koha në të cilën dëshironi të zgjohet fëmija. Kështu fëmija do të mësojë që ende nuk është koha për zgjim, por i jepni kohë që të argëtohet vetë në krevat apo që eventualisht t’i kthehet gjumi. /Telegrafi/
