Renato Sanches dukej i destinuar të bashkohej me Milanin këtë verë përpara se Paris Saint-Germain të hynte në garë, dhe ndryshimi mund të shihet vërtet në ofertat e tyre për kontratë të lojtarit dhe klubin Lille.
Raportet e fundit sugjerojnë se kuqezinjtë do të humbasin mesfushorin 24-vjeçar portugez pasi ata po refuzojnë të ofrojnë çmimin e kërkuar prej 30 milionë eurosh të Lille, duke ofruar vetëm 10 milionë euro plus 5 milionë euro bonus.
Paris Saint-Germain, në anën tjetër, thuhet se po ofron një tarifë transferimi prej 20 milionë euro, dukshëm më tërheqëse për skuadrën franceze.
Sipas gazetarit të njohur Nicolo Schira, ka një dallim të qartë edhe në kontratat e ofruara për Sanches nga dy klubet e interesuara.
#RenatoSanches’deal#ACMilan bid: €10M + 5M as bonuses for #Lille
Contract until 2026 (€3,5M/year + 1M as bonuses) for the midfielder #PSG’s bid: €20M to #Lille
Contract until 2027 (€5M/year + bonuses) for the player #transfers #LOSC— Nicolò Schira (@NicoSchira) June 19, 2022
Oferta e Milanit ishte një marrëveshje katërvjeçare me vlerë 3.5 milionë euro neto në sezon plus 1 milion euro bonus, ndërsa PSG propozoi një marrëveshje pesëvjeçare me vlerë 5 milionë euro neto në sezon plus bonuse.
Humbja e mesfushorit portugez është një goditje e rëndë për drejtorin Paolo Maldinin dhe kuqezinjtë, duke i detyruar ata të përpiqen për një opsion të ri ndërsa afati kalimtar po afrohet me shpejtësi. /Telegrafi/