Klopp publikon listën e lojtarëve të ftuar për Kupën e Botës për Klube

Jurgen Klopp ka publikuar listën prej 23 futbollistëve të ftuar të Liverpoolit për ndeshjet në Kupën e Botës për Klube këtë muaj në Katar.

Ndeshja e parë e Reds në këtë turne është planifikuar të zhvillohet të mërkurën e 18 dhjetorit, më pak se 24 orë pas përplasjes së tyre në Carabao Cup me Aston Villa në Anfield.

Si i tillë, përplasja e ndeshjeve ka shkaktuar shumë spekulime se si Klopp do ta ndante skuadrën e tij për dy ndeshjet, por me lojtarë si Rhian Brewster, Curtis Jones dhe Harvey Elliott që të gjithë shkojnë në Katar përkrah yjeve si Virgil van Dijk, Mohamed Salah dhe Alisson, është e qartë se Kupa e Botës për Klube ka marrë përparësi.

Lexo po ashtu Liverpooli do të luajë brenda 24 orëve dy ndeshje në dy kontinente të ndryshme – klubi konfirmon se ka bërë zgjidhje

Lojtarët e vetëm që kanë mbetur nga ndeshja e Liverpoolit ndaj Arsenalit në raundin e kaluar të Kupës Carabao janë Caoimhin Kelleher, Sepp Van den Berg, Herbie Kane, Pedro Chirivella, Yasser Larouci, Billy Koumetio dhe Leighton Clarkson.

Joel Matip dhe Fabinho kanë mbetur jashtë skuadrës pasi vazhdojnë rikuperimet e tyre nga lëndimi, megjithëse lojtarët që vuajnë nga lëndimi dhe sëmundja mund të zëvendësohen deri në 24 orë para fillimit të ndeshjes.

Lexo po ashtu Dy formacionet e mundshme të Liverpoolit nëse luan dy ndeshje brenda një dite

Ndërsa Klopp do të niset për në Katar për të provuar dhe për të fituar Kupën e Botës së Klubeve për herë të parë në historinë e Liverpoolit,  trajneri i ekipit U-23, Neil Critchley është vendosur të drejtor ekipin në kupë ndaj Aston Villa.

Lojtarët e ftuar: Alisson, Van Dijk, Wijnaldum, Lovren, Milner, Keita, Firmino, Mane, Salah, Gomez, Adrian, Henderson, Oxlade-Chamberlain, Lallana, Lonergan, Shaqiri, Brewster, Robertson, Origi, Jones, Alexander-Arnold, Elliott, Williams.

/Telegrafi/