Trajneri gjerman, Jurgen Klopp ka zbuluar njërin nga gabimet më të mëdha në jetën e tij dhe ka të bëjë me futbollistin e Liverpoolit, Sadio Mane.
Ylli senegalez ishte i përgatitur të ndante rrugët me Red Bull Salzburg në vitin 2014 dhe Klopp e kishte monitoruar tashmë talentin e tij në lojërat olimpike të vitit 2012.
Megjithatë, transferimi i Sadio Mane te Dortmundi kishte dështuar në atë kohë dhe trajneri gjermane e cilëson si njërin nga gabimet më të mëdha të tij.
“Kam bërë disa gabime në jetën time dhe një nga gabimet e mia më të mëdha është që nuk e mora Sadion kur isha në Dortmund”, ka thënë fillimisht Klopp.
“Ne ishim së bashku në një zyrë dhe i fola atij. Më pas nuk isha i sigurt por kjo ishte me të vërtetë faji im!”.
“Ai është një djalë i zgjuar dhe jeta më dha një shans të dytë për të punuar me të dhe shpresojmë që të dy ta përdorim”.
“Koha që kam kaluar me Sadio Mane ka qenë fantastike”.
“E dua atë djalosh!. Ai është një lojtar i zgjuar dhe i shquar”, përfundoi gjermani. /Telegrafi/