Liverpool po peshon rikthimin e mesfushorit me tipare sulmuese të Barcelonës, Philippe Coutinhos.
PSG-ja, e cila është në bisedime me brazilianin, e sheh si pjesë të shkëmbimit me Neymarin që po kërkon të rikthehet në Camp Nou gjersa “Le 10 Sport” shkruan sot se Liverpooli janë gjithashtu të interesuar për lojtarin.
Pavarësisht largimit para dy sezoneve, trajneri Jurgen Klopp është i gatshëm që sërish ta ketë nën urdhrat e vetë futbollistin.
Performanca e reprezentuesit të Brazilit në Camp Nou nuk ka shkuar siç ishte planifikuar dhe se e pranoi se nuk e di nëse do të qëndronte te katalunasit.
Manchester United dhe Chelsea gjithashtu janë të lidhur me mesfushorin, i cili vlerësohet se kushton 142 milionë euro.
Ndryshe, 27-vjeçari deri më tani ka pasur 51 paraqitje për blaugranat dhe ka shënuar 13 gola në të gjitha garat. /Telegrafi/