Ousmane Dembele nuk ka arritur të përshtatet mirë në futbollin spanjoll.
Pas transferimit te Barcelona nga Borussia Dortmund, francezi ka pësuar një lëndim që e mbajti disa muaj jashtë fushave të blerta.
Por me tu kthyer në fushë ai nuk ka arritur të jetë një titullar te Barcelona dhe kësisoj duket se largimi i tij nga Camp Nou është afër.
E ardhmja e tij duket se do të jetë në kampionatin anglez Ligën Premier.
Ka qenë trajneri i Liverpoolit, gjermani Jurgen Klopp që ka pranuar se janë të interesuar për transferimin e Dembeles.
I pyetur nga gazetarët nëse janë duke tentuar transferimin e Dembeles, Klopp u përgjigj: “A është në tregun e transferimeve ai? Po, tani jemi të interesuar”, deklaroi Klopp.
Barcelona për transferimin e reprezentuesit francez pagoi te Borussia Dortmund 105 milionë euro plus bonuset.
Por pasi nuk ka luajtur shumë me katalunasit, besohet se Dembele mund të largohet nga Camp Nou për një shumë rreth 90 milionë.
20-vjeçari ka shënuar vetëm dy gola me fanellën e Barcelonës në të gjitha garat dhe ka bërë tetë asistime. /Telegrafi/