Dita e Verës shënon fillimin e një periudhe festive në Shqipëri, dhe çifti i dashur nga bota e spektaklit, Kiara dhe Luizi, nuk kanë lënë pa e festuar këtë ditë.
Moderatorja Kiara bëri kujdes që të ndajë një moment të ëmbël me fansat e saj – një fotografi ku shfaqet duke ndarë një puthje pasionate me Luizin. Megjithatë, një detaj i imazhit të ndarë në rrjetet sociale hapi dyert për disa komente nga ndjekësit.
Në përshkrimin e postimit, Kiara uron ndjekësit për Ditën e Verës, por bën një gabim të vogël në muajin – shkruan “14.4” duke simbolizuar muajin prill në vend të marsit, muajit ku në të vërtetë festohet Dita e Verës. Gabimi nuk i shpëtoi vëmendjes së fansave, të cilët e vunë shpejt në dukje.
Pas kësaj, Kiara zgjodhi të bëjë një korrigjim në mënyrën e saj unike. Në InstaStory, ajo postoi një foto të kafes së mëngjesit me një tekst që tregon se ajo e kishte vënë re gabimin dhe që tani e mbante atë si një kujtim të vogël të gabuar.
“Tani që piva kafen u kujtova që paskam lënë nam”, shkroi Kiara, duke e marrë me sportivitet dhe duke treguar se të gjithë mund të bëjmë gabime herë pas here.
Edhe pse gafa e saj tërhoqi disa qeshje dhe komente në rrjetet sociale, ajo nuk i pengoi aspak fansat të ndajnë dashurinë dhe gëzimin për festën e Ditës së Verës.
Kiara dhe Luizi vazhdojnë të jenë një nga çiftet më të ndjekur dhe të dashur të publikut, dhe momentet e tyre të ndarë në rrjete sociale janë gjithmonë të pritur me shumë dashuri nga ndjekësit e tyre. /Telegrafi/
