Lionel Messi është futbollisti më i paguar në planet. Kjo është ajo që publikohet nga gazeta franceze France Football sipas së cilës, sulmuesi argjentinas i Barcelonës është dominues në këtë klasifikim të veçantë.
France Football e përpiloi këtë renditje duke u bazuar te paga bruto, bonuset, kontratat publicitare dhe shpërblimet për firmat e tyre.
Sipas revistës franceze, Messi kryeson me 74 milionë euro të fituara në vit.
Menjëherë pasi tij në vendin e dytë qëndron Cristiano Ronaldo me 67.4 milionë, ndërsa i treti është Neymar me 43.5 milionë euro në vit.
Ajo që të bën përshtypje është se këta futbollistë kryesojnë listën e lojtarëve më të paguar për të tretin vit radhazi.
1.Lionel Messi (Barcelona) 74 milionë euro
2. Cristiano Ronaldo (Real Madrid) 67,4 milionë euro
3. Neymar JR (Barcelona) 43,5 milionë euro
4. Zlatan Ibrahimovic (Paris Saint-Germain) 28,5 milionë euro
5. Thiago Silva (Paris Saint-Germain) 26,5 milionë euro
6. Angel Di Maria (Paris Saint-Germain) 26 milionë euro
7. Gareth Bale (Real Madrid) 24,5 milionë euro
8. Thomas Muller (Bayern Munich) 23,6 milionë euro
9. Andres Iniesta (Barcelona) 21,5 milionë euro
10. Luis Suarez (Barcelona) 20,3 milionë euro
