Elvis Hoxha, këshilltar i kryeministrit në detyrë, Albin Kurti, ka pohuar se kreu i AKR-së, Behgjet Pacolli po i thyen rregullat e sigurisë për shëndetin publik pasi që sipas tij, i është premtuar posti i ministrit të Punëve të Jashtme.
Hoxha ka thënë se Pacolli më 5 prill kishte deklaruar se duhet respektuar rregullat, ndërsa 3 javë më vonë ka ndërruar qëndrim, transmeton Telegrafi.
“Ish-ministri i jashtëm deklaron në 5 prill se duhen respektuar rregullat e sigurisë për shëndetin publik. Por 3 javë më vonë e thyen rregullin sepse i premtojnë postin e ministrit të jashtëm. Ç’lloj demokracie është një vend ku një person i tillë mashtrues mund të marrë funksione të lartë publikë”, ka shkruar ai në profilin e tij në Facebook.
Ndryshe, Pacolli gjatë ditës së djeshme është nisur nga Zvicra për t’u kthyer në Kosovë, ai ka aterruar në aeroportin e Tiranës. Ndërsa, ka reaguar ashpër ndaj paralajmërimeve se duhet të qëndrojë në karantinë për dy javë./Telegrafi/
