Jude Bellingham pa dyshim është njëri nga mesfushorët më të talentuar në botë.
Mesfushori anglez ka pasur një vit fantastik me Borussia Dortmundin në Bundesliga dhe në garat evropiane.
19-vjeçari zhvilloi në total 43 ndeshje ku shënoi gjashtë gola dhe asistoi në 14 të tjerë duke konfirmuar formën fantastike.
Këtë vit ai nuk do të lëvizë nga Signal Iduna Park, por Dortmund janë të hapur ta shesin atë në verën e vitit 2023.
Reprezentuesi anglez ka zgjuar interesimin e skuadrave më të mëdha evropiane të cilat pritet të ‘luftojnë’ për t’i siguruar shërbimet e tij pas një viti.
Real Madrid, Chelsea, Liverpool dhe Manchester United thuhet se do të tentojnë në çdo mënyrë transferimin e anglezit.
Dortmund do ta lejoj largimin e anglezit vitin e ardhshëm, por i ka bërë të qartë klubeve të interesuara se çmimi i tij është hiq më pak se 120 milionë euro. /Telegrafi/