Garry Kasparov, ish-kampioni i botës në shah dhe një kritik i madh i presidentit rus Vladimir Putin, “lavdëroi” presidentin serb Aleksandar Vuçiq dhe kryeministrin hungarez Viktor Orban.
Kasparov ka shkruar në rrjetin social X me një dozë ironie se ka uruar Vuçiqin dhe Orbanin që kanë bërë një listë dëshirash për festën e Putinit, transmeton Telegrafi.
“Përgëzoj Vuçiqin dhe Orbanin së bashku me diktatorët e Kinës, Kubës, Venezuelës dhe Sirisë bënë një listë dëshirash të mira për festën e Putinit! Kam dëgjuar se kjo lloj mirënjohjeje është edhe më e rëndësishme për punonjësit sesa paga dhe shpërblimet”, ka shkruar Kasparov.
Ndryshe në natën e ndërrimit të moteve, presidenti rus në mesazhin e tij të fundit për vitin që lamë pas ka uruar vetëm dy liderët evropian – kryeministrin hungarez Viktor Orban dhe presidentin serb Aleksandar Vuçiq.
Në anën tjetër këto dy shtete që nga fillimi i pushtimit rus në Ukrainë, ishin kundër vendosjes së sanksioneve kundër Rusisë si kundërpërgjigje ndaj agresionit. /Telegrafi/
Congratulations to Vucic and Orban for making Putin's holiday good wishes list along with the dictators of China, Cuba, Venezuela, and Syria! I've heard that this kind of recognition is even more important to employees than salary and bonuses.
— Garry Kasparov (@Kasparov63) January 1, 2024