N’Golo Kante thuhet se nuk dëshiron të largohet nga Chelsea edhe pas interesimit të madh nga Barcelona dhe Real Madridi.
Nuk ka qenë një sezon i thjeshtë për Kanten, pasi është paraqitur në vetëm 20 nga 42 ndeshjet e zhvilluara për shkak të lëndimit.
Dhe raportet në Francë dhe Spanjë kanë pretenduar se Blutë mund të shikojnë shitjen e Kantes këtë verë për të fituar para nga ai.
Shitja e francezit do të vinte duke pasur parasysh shfaqjen e talentin Billy Gilmour dhe partneritetin në rritje midis Mateo Kovacic dhe Jorginho.
Por, sipas mediumit Goal.com, Kante mbetet i përkushtuar të mbyll me sukses tre vitet e mbetura të kontratës së tij me klubin perëndimor të Londrës.
Fituesi i Kupës së Botës thuhet se është i lumtur me jetën në Londër dhe gëzohet që luan në Stamford Bridge. /Telegrafi/