Gabriel Jesus po i kalon javët e fundit si futbollist i skuadrës angleze Manchester City.
Sulmuesi brazilian pritet të largohet nga Etihad Staidum, pasi City ka mbyllur marrëveshjen për transferimin e Erling Haaland.
Arsenali mbetet skuadra favorite për t’i siguruar shërbimet e tij, por së fundmi në garë për brazilianin është futur edhe gjiganti italian Juventus.
25-vjeçari synon që të transferohet në ndonjë skuadër ku do të luaj rregullisht dhe si Arsenal ashtu edhe Juventus ia ofrojnë këtë mundësi.
City është gati ta lejoj largimin e brazilianit nëse paguhet një shumë prej 50 milionë eurove.
Reprezentuesi brazilian këtë edicion ka zhvilluar 36 ndeshje në të gjitha garat, ku ka shënuar 12 gola dhe ka asistuar në 12 të tjerë. /Telegrafi/