Klubi italian, Juventusi dëshironte goditje të dyfishtë në afatin kalimtar të verës, pasi pas transferimit të Cristiano Ronaldos provoi edhe për Paul Pogban.
Bianconerët dëshironin yllin e Manchester Unitedit së bashku me Ronaldon në Allian Stadium për sezonin aktual.
Bardhezinjtë ishin të gatshëm të plotësonin marrëveshjen prej 100 milionë eurosh për fituesin e pesëfishtë të Topit të Artë me një tjetër lëvizje të madhe parash për një ish-lojtarin e tyre, Pogba.
Sipas mediumit britanik The Sun, Juventusi bëri përpjekje për të sjellë Pogban përsëri në klub pas transferimit të Ronaldos nga Real Madridi.
Juve mbetet i etur për Pogba në mes të betejave të tij të tanishme në Manchester United dhe janë të përgatitur të luftojnë me Barcelonën për nënshkrimin e tij në janar.
Pogba është i pakënaqur me situatën e tij në Old Trafford dhe sidomos me raportet e tij me trajnerin Jose Mourinho.
Mesfushori francez dhe trajneri portugez kanë një krisje të madhe mes vete dhe nuk kanë hezituar ta kritikojnë shpeshherë njëri tjetrin edhe publikisht.
Së fundmi, Pogba deklaroi se Unitedi duhet të sulmojë më shumë, ndërsa Mourinho vendosi ta kritikojë atë para bashkëlojtarëve dhe ia hoqi shiritin e kapitenit. /Telegrafi/
