Juventusi është futur fuqishëm në garë për të nënshkruar me Paul Pogban.
Zonja e Vjetër po e kërkon rikthimin e francezit në Torino, pasi ky i fundit u largua tri vite më parë.
Kampionët e Italisë kanë dalë me një ofertë zyrtare në drejtim të Manchester United, ku i kanë ofruar klubit anglez tre futbollistë.
Paulo Dybala, Blaise Matuidi dhe Mario Mandzukic janë lojtarët që Juventus i ka ofruar Unitedit.
Drejtori sportiv Fabio Paratici ka udhëtuar drejt Anglisë së bashku me Pavel Nedved për të negociuar me Djajtë e Kuq.
Mbetet të shihet nëse United do ta pranojë këtë ofertë shkëmbimi nga Zonja e Vjetër.
Kujtojmë që United gjithashtu ka shprehur interesim për Dybalan dhe Mandzukicin. /Telegrafi/