Juventusi është duke punuar në rinovimin e kontratës me Moise Kean pasi shikojnë te lojtari një të ardhme të ndritur.
Aktualisht 18-vjeçarit i skadon kontrata në vitin 2020, ndërsa së fundmi për lojtarin ka shfaqur interesim serioz Milani.
Por, sipas Corriere di Torino tashmë për Zonja e Vjetër ia ka mbyllur klubit nga Milano derën për të siguruar shërbimet e sulmuesit të ri, duke iu treguar të gjithëve se ai nuk është në shitje.
Lojtari këtë sezon për Juven ka bërë katër paraqitje, dy si zëvendësues në Serie A (por, ka luajtur vetëm tre minuta), një në Ligën e Kampionëve (12 minuta lojë) dhe një në Kupën e Italisë ku si titullar shënoi edhe gol.
Lojtari në sezonin 2017/18 ishte i huazuar te Hellas Verona ku në 20 ndeshje në të gjitha garat arriti të shënojë katër gola.
Kean ka arritur të paraqitet edhe për ekipin e parë të Përfaqësueses së Italisë, në miqësoren ndaj SHBA-së.
Për atë kanë shfaqur interesim edhe skuadra tjera evropiane, por Juve nuk dëshiron ta shesë as jashtë Italisë. /Telegrafi/
https://www.youtube.com/watch?v=ROwrNpgzYXI