Jordi Alba është larguar nga Barcelona pas 11 viteve qëndrim në Camp Nou.
Megjithatë e ardhmja e mbrojtësit të majtë spanjoll vazhdon të jetë e paqartë, nëse do të mbetet në La Liga, apo karrierën do ta vazhdoj jashtë vendlindjes.
Përkundër se për mbrojtësin ka interesim nga klubet e Arabisë Saudite dhe ato amerikane, anësori pritet që të mbetet në Evropë.
Atletico Madrid ka shprehur interesim dhe drejtuesit e klubit madrilen kanë kontaktuar përfaqësuesit e lojtarit për ta mbajtur në La Liga.
Por interesimin për mbrojtësin e majtë e ka rikthyer edhe gjiganti italian Inter që kishte shprehur dëshirë për ta transferuar edhe në verën e vitit 2022.
Në garë për t’i fituar shërbimet e anësorit spanjoll është edhe kampioni në fuqi i Portugalisë, Benfica e cila ka mbetur pa Alex Grimaldon.
34-vjeçari pritet që të vendos për të ardhmen e tij pas ndeshjeve të kombëtareve që janë në muajin qershor, por prioritet ai i ka dhënë qëndrimit në Evropë. /Telegrafi/