Jeremy Corbyn refuzoi pesëmbëdhjetë herë për t’iu përgjigjur një pyetjeje nëse Hamasi është një grup terrorist gjatë një debati me Piers Morgan.
Sipas mediave të huaja, përcjell Telegrafi, ish-udhëheqësi laburist u përfshi në një intervistë në Talk TV, ku ai u përballë me Morgan për disa minuta në lidhje me pikëpamjet e tij për Hamasin dhe vendimin e tij për t’iu bashkuar marshimeve pro-palestineze në Londër.
Dhe gjërat thuhet se u ndezën pasi Morgan dënoi “masakrën barbare të më shumë se 1000 hebrenjve” më 7 tetor dhe vazhdimisht e pyeti Corbyn nëse do ta largonte Hamasin nga pushteti në Gaza.
Por siç shkruan Daily Mail, Corbyn iu shmang pyetjes dhe refuzoi të jepte një përgjigje po ose jo.
Ai e quajti sulmin e befasishëm të Hamasit ‘të neveritshëm’ dhe ‘të tmerrshëm’, por u duk se u nervozua ndërsa Morgan pyeti: ‘Dhe ju mendoni se Izraeli mund të bëjë paqe me njerëzit që e bënë këtë?’.
Intervista më pas merr një kthesë të jashtëzakonshme kur Corbyn pyetet nëse është dakord që Hamasi është një grup terrorist.
Corbyn thotë “Unë nuk e miratoj, nuk e mbështes apo nuk e mirëpres Hamasin”, por refuzon 15 herë të thotë drejtpërdrejt se ata janë një grup terrorist, ndërsa Morgan vazhdimisht e shtyn atë për një përgjigje “po” ose “jo”.
Intervista u postua në faqen në një faqe të Piers Morgan në X (ish-Twitter) dhe ka arritur më shumë se 100,000 shikime në një orë – dhe sigurisht ka pasur një reagim të përzier me mijëra komente. /Telegrafi/
