Jay Z është shpallur hip-hop artisti më i paguar për 12 muajt e fundit duke fituar 76.5 milionë dollarë amerikanë (65.44 milionë euro).
Reperi, emri i vërtetë i të cilit është Sean Carter, ka arritur ta tejkalojë Sean ‘Diddy’ Combsin, i cili tre vjet rresht ishte në krye të listës së Forbes.
Në gjysmën e dytë të vitit 2017, Jay Z e promovoi albumin e tij të fundit, “4.44”, ndërsa këtë vit u nis në turneun “On The Run II”, me bashkëshorten Beyonce Knowles.
Çifti i famshëm po ashtu e lansoi edhe albumin e përbashkët, “Everything Is Love”, në qershor të këtij viti.
#WeJustHeard
Forbes has unveiled its list for The World’s Highest-Paid Hip-Hop Acts 2018.Rapper JAY-Z clinched the No. 1 spot with a whopping $76.5 million, soaring past last year’s No. 1, Sean “Diddy” Combs, who lands at No. 2 with $64 million pic.twitter.com/lLxlxw7Jde
— AdForumCo (@AdForumCo) September 13, 2018
‘Diddy’ ka arritur të përfitojë 64 milionë dollarë (54.74 milionë euro), kryesisht duke iu falënderuar brendit të vodkës Ciroc.
I treti në listën e më të paguarve është Kendrick Lamar me përfitime prej 58 milionë dollarësh (49.61 milionë euro) në 12 muajt e fundit.
Pas tij renditet Drake me 47 milionë dollarë (40.20 milionë euro). Në dhjetë vendet e para janë edhe Dr. Dre (35 milionë dollarë), Kanye West (27.5 milionë dollarë) e Pitbull (32 milionë dollarë). /Telegrafi/