Promovuesi Eddie Hearn ka bërë të ditur se Luis Ortiz është zgjedhja e parë e Anthony Joshuas për ta zëvendësuar Jarrell Millerin, në debutimin e britanikut në Amerikë këtë verë.
Miller rrezikon pezullim njëvjeçar nga boksi për shkak se ka dështuar në testet anti-doping në muajin mars, ndërsa Hearn është duke kërkuar kundërshtar potencial për kampionin e unifikuar në meçin e caktuar më 1 qershor në Madison Square Garden.
“(Ortiz) ishte emri i parë që ma dha mbrëmë. I telefonova dhe i thash: ‘Mik, kam lajme të tmerrshme, Miller ka dështuar në testin anti-doping'”.
“Ai nuk u duk i befasuar. Më tha: ‘Në rregull, kush është në radhë?’. E pyeta se kë e dëshironte dhe ai më tha kushdo që të jetë, pa kurrfarë problemi”, ka treguar Hearn për IFL TV.
Më tej, promovuesi i AJ ka treguar se janë shitur mbi 17.000 bileta dhe se 10.000 britanikë do të udhëtojnë në SHBA për ta shikuar meçin. /Telegrafi/