Ministrat e Financave të vendeve ku euro është valuta zyrtare duhej të mbajnë muajin e ardhshëm një takim në Budapest, por për shkak të marrëdhënieve të kryeministrit hungarez, Viktor Orbán me presidentin rus, Vladimir Putin, takimi është i diskutueshëm.
Siç shkruan politico, duke cituar burime nga Brukseli, javën e ardhshme do të vendoset nëse takimi do të zhvillohet, por disa ministra nga Eurozona planifikojnë të bojkotojnë ngjarjen e planifikuar. Mes tyre janë ministra nga Gjermania, Estonia, Finlanda dhe Lituania.
Shkak, siç theksojnë burime për politico, është vendimi i Orbanit për të mbajtur marrëdhënie të mira me Putinin pas agresionit rus kundër Ukrainës, i cili ka filluar më 24 shkurt të vitit 2022.
Ministrat e financave të Eurozonës, si rregull, takohen një herë në muaj në vende të ndryshme në Bashkimin Evropian, me faktin se ata takohen dy herë në vit në vendin që kryeson unionin.
Megjithatë, qëndrimi i Orban ndaj Rusisë, së bashku me udhëtimin në Kiev, Moskë, Pekin dhe SHBA muajin e kaluar, ku ai tha pa autorizim se ai “përfaqëson BE-në”, mund të jetë një problem.
Tashmë disa zyrtarë kanë refuzuar të vijnë në takimet në Budapest, veçanërisht zyrtarë të lartë të Komisionit Evropian. /Telegrafi/