Italia konfirmon se rikuperimi i Nicolo Barellas po përparon mirë, por ylli i Interit do t’i bashkohet grupit në fushë në ditët në vijim.
FIGC lëshoi një deklaratë zyrtare për yllin e dëmtuar të Italisë, Barella, të shtunën pasdite.
Barella, 27 vjeç, i ishte nënshtruar testeve mjekësore në mëngjes për të kontrolluar një dëmtim të lehtë të muskujve që e kishte detyruar të largohej nga fusha në miqësoren kundër Turqisë të martën.
“Futbollisti Nicolo Barella kreu testet këtë mëngjes që treguan përparimin e pritshëm në rikuperimin nga lodhja e muskujve të pësuar ditët e fundit”.
“Prandaj, lojtari do të vazhdojë programin e punës, në funksion të riintegrimit në grup në ditët në vijim”, thuhet në deklaratën e FIGC.
💪 Barella’s back on the mend! 🩹#Azzurri #VivoAzzurro pic.twitter.com/wNZ5RlyPks
— Italy ⭐️⭐️⭐️⭐️ (@Azzurri_En) June 8, 2024
Deklarata e FIGC nuk sqaron nëse Barella do të jetë në dispozicion apo jo për debutimin e Italisë në Euro 2024 kundër Shqipërisë më 15 qershor. /Telegrafi/