Ish-deputeti Ali Lajçi, ka thënë se funksionimi i shtetit, rendit të ligjit dhe Kushtetutës është më i mirë se asnjëherë por nuk është i kënaqshëm.
Kështu tha në RTV Dukagjini, ku po diskutohet për qeverisjen e kryeministrit Albin Kurti.
“Në ekonomi e të tjera nuk ka rritje të kënaqshme, por nuk ka edhe denigrime të mëdha të llojit të vet. Funksionimi i shtetit, rendit të ligjit dhe Kushtetutës është më i mirë se asnjëherë por nuk është i kënaqshëm”, ka thënë Lajçi.
Ai vlerëson se Kosova gjithmonë ka ngecur në stadet e fundit të zhvillimeve të përgjithshme ekonomike
“Proceset në çfarë jemi ne në shtet bërje, gjendjen ekonomike që nuk e kemi pasur të favorshme kurrë në të gjitha regjimet… Kosova gjithmonë ka ngecur në stadet e fundit të zhvillimeve të përgjithshme ekonomike. Ta vlerësojmë Kurtin, nuk mund ta vlerësojmë në këtë kohë por duhet të kemi një kontinuitet të ecjes së Kosovës së paku prej pavarësisë së saj”, shtoi më tej Lajçi.
