Telegrafi

Interi “shfryhet” te Bologna, fiton me goleadë

Shkumbin Pireva

Interi ka fituar me rezultat të thellë 6-1 në shtëpi ndaj Bolognas në ndeshjen e vlefshme për javën e 14-të në Serie A.

Nerazzurrët kanë arritur t’i kthehen fitores pas humbjes në derbi nga Juventusi, duke u shfryrë te Bologna.

Pjesa e parë e ndeshjes nisi me një befasi nga mysafirët, por vendasit u kthyen shpejt në lojë duke shënuar tri gola.

Goli i parë i ndeshjes erdhi në minutën e 22-të me anë të Charalampos Lykogiannis, i cili shënoi për 0-1, por Edin Dzeko (26’) barazoi shifrat 1-1 me një gol të bukur.

Pas barazimit, Interi u vërsul duke shënuar fillimisht me Federico Dimarcon (36’) një gol të bukur nga gjuajtja e lirë për 2-1 dhe Lautaro Martinez (42’) për 3-1.

Në pjesën e dytë, Nerazzurrët ishin skuadër dukshëm më e mirë, duke shënuar edhe tri gola tjerë për një fitore të madhe.

Goli i parë në këtë ndeshje erdhi në minutën e 48-të me anë të Dimarcos, i cili shënoi përsëri një gol të bukur për 4-1, ndërsa Hakan Calhanoglu (59’) ishte i saktë nga pika e bardhë për 5-1.

Për golin e fundit dhe të fitores 6-1 u përkujdes i inkuadruar Robin Gosens (76’) që shënoi nga afërsia pas asistimit të Dzekos.

Pas kësaj fitore, Interi e sheh veten në pozitën e pestë me 27 pikë, teksa Bologna renditet e 13-ta me 16 pikë.

Në ndeshjen e ardhshme, Nerazzurët luajnë në udhëtim te Atalanta, teksa Bologna e pret Sassuolon. /Telegrafi/