Interi ende është duke pritur për një përgjigje nga Barcelona, por pritet të finalizojë marrëveshjen e Rafinhas në huazim me të drejtë blerje për 38 milionë euro në fund të sezonit.
Nerazzurrët janë në kërkim të përforcimeve të reja në afatin aktual të transferimeve pasi duan të jenë në hap me objektivat e klubit.
Emri më i përfolur është ai i mesfushorit të Barcelonës, Rafinha, me të cilin ka dy javë që po bisedohet për një marrëveshje.
Negociatat janë tërhequr për disa kohë dhe afati i fundit për të siguruar kalimin e mesfushorit brazilian është këtë fundjavë.
Sipas Sportitalia, oferta e huazimit me 35 milionë euro për të blerë nuk ka bindur plotësisht Barcelonën.
Çmimi i kërkuar është 40 milionë për lojtarin që bëri rikthimin e tij nga lëndimi të mërkurën mbrëma, pas gati 10 muajsh në ambulancë.
Besohet që të dy klubet në fund do të gjejnë një mes të artë dhe do të vendosin për një huazim me drejt blerje.
Drejta e blerjes thuhet se do të jetë në shifrën e 38 milionë eurove në fund të sezonit. /Telegrafi/