Interi pritet që t’ia marrë nga dora Milanit sulmuesin e Fiorentinës, Nikola Kalinic.
La Gazzetta dello Sport zbulon se kroati është aktualisht lojtar i FIorentinës dhe Viola nuk do e shesë te Milani nëse nuk bëhet oferta e duhur.
29 vjeçari është nën kontratë nga Fiorentina dhe mund t’i bashkohet Interit si opsion i dytë për Mauro Icardin.
Milani thuhej se ka marrëveshje me sulmuesin, megjithatë Rossonerët nuk kanë gjetur asnjëherë akord me Fiorentinën.
Javën e ardhshme pritet që Interi të takohet me përfaqësuesin e lojtarit për të sqaruar diferencat kontraktuale.
Kjo do të ishte prej goditjeve më të mëdha të Interit këtë afat kalimtar veror. /Telegrafi/