Interi dhe Milani janë futur në garë për mesfushorin e Juventusit, Federico Bernardeschin, që mbetet lojtar i lirë në fund të sezonit.
Nerazzurrët duket se po shikojnë disa mundësi te Juventusi, ku në krye të listës janë Paulo Dybala dhe Juan Cuadrado, ndërsa tani ata i kanë vënë syrin edhe një tjetër lojtar të Juventusit.
Siç raportohet nga Sport Mediaset, Interi ka regjistruar interesimin e tyre për 27-vjeçarin Bernardeschi dhe kanë kërkuar informacion për të nga Juventusi.
Marrëveshja aktuale e italianit skadon në fund të këtij sezoni dhe një rinovim do të bazohej në një zbritje rroge, kështu që një lëvizje në kryeqytetin e Lombardisë mund të jetë tërheqëse për të.
Në anën tjetër edhe Milani është i interesuar për Bernardeschin, ndaj Interi do të duhet të paraqesë një ofertë bindëse nëse dëshiron të sigurojë nënshkrimin e tij.
Lojtari do të jetë në gjendje të nënshkruajë një parakontratë me një klub të ri pas dy javësh.
Bernardeschi ka shënuar një gol dhe ka dhënë tre asistime në 17 paraqitje në Serie A këtë sezon. /Telegrafi/