Interi është gati të ofrojë argjentinasin Mauro Icardi në një marrëveshje shkëmbimi për sulmuesin e Manchester Unitedit, Romelu Lukaku.
Klubi italian është duke u përpjekur të largojë sulmuesin Icardi pas komenteve kontestuese të bëra nga gruaja dhe agjentja e tij, Wanda Nara, rreth një marrëveshjeje të re.
Icardit i është larguar shiriti i kapitenit dhe nuk ka luajtur për gati një muaj me ekipit dhe Interi dëshiron ta largojë atë në verë.
Largimi i mundshëm Icardit ka bërë që drejtuesit të shikojnë qysh tani alternativat për zëvendësimin e argjentinasit.
Sipas mediumit The Mirror, Nerazzurrët janë të interesuar të shkëmbëjnë Icardin me belgun e Unitedit, Lukaku.
Gjigantët italianë janë vendosur të shtojnë përpjekjet e tyre për të nënshkruar me yllin e Djajve të Kuq, i cili është një prej objektivave të tyre afatgjatë.
Italianët do të preferonin që Icardi të lëviz në një klub të Ligës Premier, më shumë se në një nga rivalët e tyre italianë dhe në Angli, Chelsean gjithashtu është i interesuar.
Ata janë të etur për ta zëvendësuar atë me reprezentuesin belg i cili ka luftuar për të justifikuar çmimin e tij prej 90 milionë funtesh që kur u transferua në Old Trafford pothuajse dy vjet më parë. /Telegrafi/