Legjenda angleze, Alan Shearer nuk mendon se Zlatan Ibrahimovic mund të konsiderohet si lojtarë të klasit botëror si Lionel Messi, Cristiano Ronaldo dhe Luis Suarez.
Sulmuesi i Manchester United shënoi një gol të vonshëm për t’ia siguruar fitoren skuadrës së tij ndaj Crystal Palace, dhe për ta bërë fitoren e tretë radhazi në të gjitha garat për skuadrën e Jose Mourinhos.
Megjithatë, kjo nuk luan edhe rol aq të madh për ish-sulmuesin e Newcastle, pasi suedezi është 35-vjeçar dhe nuk mund të krahasohet me futbollistë të klasit botëror si Messi, Ronaldo dhe Suarez.
“Le t’i shikojmë lojtarët e klasit botëror… Messi, Ronaldo, Suarez, ai është aq i mirë sa ata tre? Ai ishte i klasit botëror, nuk ka dyshim për këtë, por tani jo”, ka thënë Shearer për BBC, përcjell Telegrafi.
Për dallim nga Shearer, ish-futbolli i Unitedit, Phil Neville është i bindur se suedezi është në kllapën e futbollistëve më të mëdhenj në të gjithë globin.
Shearer më parë kishte deklaruar njësoj edhe për sulmuesin e Arsenalit, Alexis Sanchez, teksa sipas tij i vetmi futbollist i klasit botëror në Ligën Premier është Sergio Aguero i Manchester Cityt. /Telegrafi/