Futbollistët e klubeve nga Liga Premier, si Manchester United, Tottenham e Chelsea, ua kanë zbukuruar ditën fëmijëve me vizitën e tyre të përvitshme për festat e fundvitit.
Yjet e Djajve të Kuq, Zlatan Ibrahimovic dhe Paul Pogba, ishin kryesorët që vizituan Spitalin Mbretëror të Fëmijëve në Mançester, të shoqëruar nga bashkëlojtarët e tyre, Marcos Rojo, Marouane Fellaini, Anthony Martial dhe Daley Blind.
Ata bënë vizita edhe në disa spitale tjera të fëmijëve, në prag të ndeshjes kundër Sunderlandit.
“Jemi me fat që kemi shëndet të mirë dhe për ne është shumë e veçantë që t’u sigurojmë fëmijëve buzëqeshjen”, thuhet në njoftimin e Unitedit. /Telegrafi/
