Elseid Hysaj ndihet optimist për sfidën e radhës ndaj Izraelit dhe për kualifikimin e mundshëm të kombëtares shqiptare në botërorin ‘Rusia 2018’.
Mbrojtësi i kombëtares shqiptare ka folur për mediat në Shqipëri, në lidhje me ndeshjen e ardhshme për kualifikuese ndaj Izraelit të shtunën në Elbasan.
Sipas Hysajt, ndeshje do të jetë e vështirë, por të gjithë duam të fitojmë, pasi objektivi është të shkojnë në Rusia, qoftë edhe përmes ‘Play-Off”-it.
“Është një ndeshje e vështirë. Izraeli është një skuadër e fortë, por ne po përgatitemi, të gjithë duam të fitojmë. E dimë që një skuadër shkon në ‘Play Off’ dhe objektivi ynë është të shkojmë në Rusi”, ka thënë Hysaj për Supersport.
“E dimë që është e vështirë, por do të mundohemi të bëjmë të pamundurën, diçka që e kemi treguar edhe me arritjen në evropian”, ka përfunduar mbrojtësi i Napolit. /Supersport/Telegrafi/