Mateo Kovacic është i bindur në përkushtimin e sulmuesit belg te Chelsea.
Kroati është i huazuar te Chelsea nga Real Madrid, të cilat janë duke kërkuar shërbimet e Eden Hazardit.
“Për mua, ai është një lojtar i pabesueshëm”, tha futbollisti, i cili u shpall nënkampion i botës me Kroacinë.
“Nuk e dija se ishte aq i mirë dhe lehtësisht mund të them se është një nga dy ose tre lojtarët më të mirë në botë”.
“Ai më pyeti se si ishte atje (në Real), por ne presim që të kemi një sezon të mirë së bashku, të përqendrohemi plotësisht te Chelsea. Ai është shumë i fokusuar në gjëra të mëdha me Chelsean”, tha lojtari.
Theksojmë se gjatë ditës së djeshme mediat kanë raportuar se Los Blancos janë të gatshëm ta shesin Iscon dhe Kovacicin te Chelsea për shërbimet e reprezentuesit të Belgjikës.
Ndryshe, kampionët e botës për klube gjithashtu janë të interesuar edhe për lojtarët e PSG-së, Kylian Mbappe si dhe Neymar. /Telegrafi/