Trajneri i Manchester Cityt, Pep Guardiola, e ka mbështetur Jurgen Kloppin pas festimit ndaj Evertonit.
Tekniku gjerman nuk u përmbajt dhe u fut në fushë kur Divock Origi shënoi në minutat shtesë të ndeshjes.
“Nuk jam i lumtur për atë, por ka shumë emocione. E di kur e kam bërë, por nuk isha i lumtur pastaj”.
“Ndonjëherë është sport emocionues, çdo gjë ndodh në mendjen tënde. Po flas nga ana ime, por duhet edhe të respektosh anën tjetër”.
“Kur fiton je personalitet i madh, kur humbet është mungesë respekti. Kur humbet je djalë i keq, kur fiton gjithçka është e pranueshme. Jetojmë në një botë kur të gjithë gjykojnë fituesit”, ka thënë Guardiola.
Pas fitores në derbi Reds kanë vetëm dy pikë më pak se Man City që është në krye te tabelës.
Ndeshja e ardhshme e skuadrës së Klopp është kundër Burnleyt, ndërsa ajo e Guardiolas luan ndaj Watford. /Telegrafi/
