Gjykata Supreme ka marr vendim që të aprovojë ankesën e Lëvizjes Vetëvendosje lidhur me numërimin e 1806 fletëvotimeve të diasporës.
Përfaqësuesi i Lëvizjes Vetëvendosje në KQZ, Adnan Rrustemi, ka thënë për Telegrafin se është aprovuar ankesa e tyre nga Gjykata Supreme.
“Po është aprovuar ankesa jonë për numërimin e 1806 fletëvotimeve të diasporës. Besoj që sonte mund të nis verifikimi e pastaj numërimi”, ka thënë ai.
Ndryshe Lëvizja Vetëvendosje dje në orën 11:00 ka dorëzuar ankesë në Gjykatën Supreme për numërimin e këtyre fletëvotimeve.
Për këto 1806 fletëvotime, Vetëvendosje ishte ankuar edhe në PZAP, mirëpo kjo e fundit ka refuzuar ankesën e LVV-së për numërimin e këtyre fletëvotimeve./Telegrafi/