Në mediet sociale është raportuar se mërgata po e anulon vizitën e saj në Kosovë, në kohën e tensioneve me Serbinë, pas kidnapimit të tre zyrtarëve policorë nga kjo e fundit.
Profili Kos Data në Twitter, ka publikuar një informacion se kjo gjë po ndodh “për shkak të tensioneve të fundit me Serbinë”.
“Raportohet se diaspora ka filluar të anulojë ardhjen e saj në Kosovë për shkak të tensioneve të fundit me Serbinë. Burimi: Germin”, shkruhet në profilin e tyre.
Por, pas këtij pretendimi nga ky profil, ka reaguar edhe organizata që lobon dhe merret me tema të diasporës GERMIN.
Bashkë-drejtori i GERMIN, Lirim Krasniqi ka thënë se ky informacion nga Kos Data është i rremë.
“Ky është lajm i rremë. Ne e kemi thënë pikërisht të kundërtën (shikojeni videon)”, thuhet në reagimin e Krasniqit.
This is fake news. We’ve said exactly the opposite (check the video). @kos_data please check the data and consult more sources before writing about this and any other topic. pic.twitter.com/viaHd1dEg1
— Lirim Krasniqi (@lirimkrasniqii) June 21, 2023
“Kos Data, ju lutemi verifikoni të dhënat dhe konsultohuni më shumë burime, përpara se të shkruani për këtë [çështje] dhe çdo temë tjetër”, përfundon ai. /Telegrafi/